Төслийн аймаг сумдад хийгдсэн хөрөнгө оруулалтын ажлын гүйцэтгэл, ашиглалттай танилцах, орон нутгийн удирдлагууд, төслийн орон нутгийн ажилтнуудтай төслийн хэрэгжилт, үр дүнгийн талаар уулзаж, үнэлэлт дүгнэлт өгөх төслийн дараагийн шатанд орон нутгийн эрэлт хэрэгцээг судлах зорилгоор ХААХОУС-гийн тус улсыг хариуцсан захирал Хуберт Бойрардаар ахлуулсан баг 09 дүгээр сарын 19-нөөс 10 дугаар сарын 05-ны хооронд Монгол улсад ажиллалаа. Хяналт үнэлгээний баг Хэнтий аймгийн Өмнөдэлгэр, Хэрлэн сумын хөрөнгө оруулалтын ажлууд, төслийн хүрээнд байгуулагдсан бэлчээр ашиглагч малчдын бүлэг, эмэгтэйчүүдийн бүлэг, хоршоо, орон нутгийн бизнес эрхлэгч нартай уулзав.
