Зах зээл ба бэлчээрийн удирдлагын хөгжил төслийн “Бэлчээрийн удирдлага, уур амьсгалын өөрчлөлтөд дасан зохицох нь” бүрэлдэхүүн хэсгийн хүрээнд 540 сая төгрөгийн санхүүжилтээр ОХУ-ын Москва хотын зүүн бүс, Алтай хязгаар, Эрхүү, Буриадын орчмоос Монгол оронд хамгийн тохиромжтой шилмэл үүлдрийн махны чиглэлийн Хар Ангус, Улаан Ангус, Герефорд, Халимаг үүлдрийн, мах-сүүний чиглэлийн Семминталь, хар тарлан үүлдрийн бух болон хар улаан Ангус, Герефорд, Халимаг, Хартарлан, Семминталь үүлдрийн үнээ нийлсэн нийт 56 толгой үхэр, нарийн ноост Алтай, нарийвтар ноост Цигай, мах-өөхний чиглэлийн Эдильбаев үүлдрийн 25 толгой хуц, нийт 81 толгой малыг худалдан авч “Малын удмын сангийн үндэсний төв”-д хүлээлгэн өглөө. Дээрх мал нь үндэсний генийн санг бүрдүүлэх, материаллаг гол түүхий эдийг бэлтгэх зориулалтаар “Малын удмын сангийн үндэсний төв”-д ашиглагдах юм. Ингэснээр төсөл хэрэгжиж байгаа аймгуудын малын үйлдвэр угсааг сайжруулах, ашиг шимийг нэмэгдүүлэх цаашид улсын хэмжээнд сайн чанарын үр үйлдвэрлэж, удмын сангийн нөөцтэй болох чухал үр дүнтэй ажил боллоо.
